Është ndër personazhet më të njohur të ekranit, kryesisht për shkak të aktivitetit të përjavshëm në “Opinion”. Duke thyer kornizat e televizionit dhe seriozitetit që jemi mësuar ta shohim gjithmonë, Blendi Fevziu ka shfaqur jo pak nga karakteri i tij aventuresk kohë pas kohe. Me udhëtimet e shpeshta dhe eksperiencat e ndërmarra gjatë këtyre të fundit, Fevziu e ka deklaruar edhe në intervista se nëse do të mundej, primar do të kishte vetëm vizitimin e vendeve dhe kulturave të reja.
Postimet e tij në rrjetet sociale lidhen edhe me familjen, veçanërisht vajzën e vogël. Duke qenë se ditët e fundit, bora zbardhi për pak orë kryeqytetin, Blendi ishte një ndër personazhet që filmoi disa pamje nga oborri i shtëpisë së tij. E ndonëse atmosfera nuk na bëri dhe aq përshtypje (pasi të gjithë e shihnim Tiranën e zbardhur), sytë mbetën tek luksi dhe hapësira që mund të vërehej nga ky ambient i jashtëm i banesës së Fevziut.
Rrethuar nga lodrat dhe të tjera orendi apostafat për eksterierin e një shtëpie, në oborr mund të dallohet fare qartë dhe pishina personale e familjes. Blendi është pëefolur shpesh për pagën e lart që merr në televizion, e tashmë dy dekadat e kaluara në opinion duket se ia kanë shtuar edhe më tej vlerën shumës monetare. Ja disa nga pamjet që ofroi vetë Fevziu për ndjekësit dy ditë më parë!
