Ministrja e Shëndetësisë Ogerta Manastirliu ka prezantuar vetëm pak minuta më parë planin e masave për hapjen graduale për ekonominë dhe protokollet e detyrueshme që duhen zbatuar.
Sipas ministres, plani i rihapjes me anë të lehtësimit të masave do të kalojë në 4 faza, ku faza e parë do të nis nga 4 maji. Këto masa lehtësuese do të vendosen në një afat kohor prej 2 javësh mbi bazën e tre kritereve kryesore që janë numri i rasteve të reja, numri i të shtruarve në spital dhe rasteve në terapi intesive.
Manastirliu pohoi se bizneset kanë detyrimin ligjor dhe moral për zbatimin strikt të masave, ndërsa theksoi se në rast se do të ketë shkelje do të ketë edhe ndëshkime.
Kështu Manastirliu propozoi lehtësim gradual i masave shtrënguese në kuadër të Covid 19:
Fillimisht hapen aktivitetet me më shumë efekt ekonomik dhe më pak tek virusi, me protokolle strikte.
Me lehtësimin e kujdesshëm të masave po rrisim dhe kapacitetet spitalore nëse do të përballemi me rritje të të sëmurëve me simptoma.
Nga java e ardhshme do të mund të rrisim fashën orare nga 90 minuta në 2 orë e 30 minuta për këmbësorët.
Do të lehtësojmë masat për një kategori biznesesh
Transporti taksi nga qyteti-në qytet me vetëm një person dot jetë një tjetër lehtësi që planifikohet të bëhet në vazhdim.
