Nuk ka mundur t’i mbijetojë infektimit me Covid-19 kantaurori Kujtim Prodani, i cili fatkeqësisht është ndarë nga jeta mëngjesin e sotëm.
Artisti 57 vjeçar ndodhej prej disa ditësh i shtruar në spitalin Covid 2 Shefqet Ndroqi, nga ku pak ditë më parë ai postoi edhe një foto nga shtrati i spitalit.
“Sa miq e sa të afërm na more, o flamë e keqe! Klinika “Shefqet Ndroqi”; do shkruante kantautori në foton e postuar pa e ditur se ajo do të qe foto dhe komunikimi i fundit me publikun.
Disa muaj më parë, Kujtim Prodani i kushtoi edhe një këngë situatës pandemike që po kalon bota për shkak të Covid-19.
