E kishin pagëzuar “Pantera e Goros”; Milva, këngëtarja legjendare italiane u shua në moshën 81 vjecare në shtëpinë e saj në Milano ku jetonte me të bijën, Martina, kritike arti. E lindur korrikun e vitit 1939, Maria Ilva Biolcati, njohu gjatë karrierës së saj të gjatë edhe suksesin ndërkombëtar, duke kapërcyer me zërin e saj të fuqishëm kufijtë e vendit të vet, e duke korrur duartrokitje kudo, por sidomos në Gjermani. Talenti e saj e katapultoi duke e kthyer në njërën prej këngëtareve më të vlerësuara në Itali, por dhe profilin dërkombëtar e pati mjaft të fuqishëm, kjo edhe falë faktit që ishte e aftë të këndonte e recitonte në 9 gjuhë të ndryshme të botës. Për shkak të flokëve të kuqe, e kishin mbiqtuajtur ndryshe “ La Rossa”.
Në 26 mars, kishte marrë vaksinën e koronavirusit, e kishte përcjellë një mesazh të rëndësishëm për të gjithë:”Unë vaksinohem, sepse kujdesem për jetën time dhe të të tjerëve”, shkroi ajo në faqen e saj në Facebook, “Bëjeni edhe ju. Duhet t’i kthehemi jetës së mëparshme, dhe të përqafojmë të dashurit tanë. Së bashku ne mund t’ia dalim për ta mposhtur këtë virus”!
