Po të mos ishte shuar në 9 prill, Princi Philip sot do të kishte mbushur 100 vjec. Mbretëresha Elisabetë ia bëri për cdo rast dhuratën dhe ishte mjaft romantike, duke dëshmuar qartë lidhjen e fortë mes tyre. Në kopshtin e pallatit mbretëror u mboll një trëndafil i ri i kuq, me një mbishkrim ku shkruhej titulli i tij: Duka i Edinburghut. Dhe nuk mbaron këtu: trëndafili është vendosur në një pozicion të tillë që ai të mund të shihet nga dhoma private e monarkes, e cila ka dashur në këtë mënyrë ta përshëndesë cdo mëngjes e cdo mbrëmje para se të bjerë për të fjetur.
Philip qëndroi pranë gruas së tij gjatë gjithë mbretërimit të saj 69-vjeçar – më të gjatit në historinë britanike. Gjatë kësaj kohe, ai fitoi reputacionin e një personaliteti me qëndrim të ashpër, por që bënte edhe ndonjë gafë të rastit. Princi luajti një rol kryesor në modernizimin e monarkisë në periudhën pas Luftës së Dytë Botërore dhe pas mureve të Pallatit Bukinghem, ai ishte figura kryesore që mbretëresha mund t’i drejtohej dhe t’i besonte.
