Moderatorja e sportit, Ilda Bejleri, këtë sezon ndryshe nga sa jemi mësuar ta shohim është angazhuar në një projekt të ri televiziv, që ka të bëjë me baletin, “T’ka mami yll”.
Ajo ndodhet pranë fëmijëve dhe mamave në këtë spektakël, dhe gjatë një interviste të dhënë për Ermal Peçin, ajo u pyet nga moderatori nëse së shpejti do ta shohim edhe atë nënë.
Ilda u shpreh e hapur, dhe theksoi se të jesh mami është një gjë e bukur dhe sidomos në momentin e duhur. “Vjen një moment që çdo njeri e projekton veten për fazat e jetës. Të jesh mami është një gjë shumë e bukur sidomos në momentin e duhur dhe aty ku ndjehesh e plotësuar. Pse jo… unë nuk kam qenë kurrë kundër, unë jetën e kam marrë me faza në sensin që çdo moshë ka bukurinë e saj dhe ofron surprizat e veta”, u përgjigj ajo.
