Fustani që Amy Winehouse veshi në koncertin e saj të fundit u shit në ankand në Los Angeles për 243,200 dollarë, gjashtëmbëdhjetë herë më shumë se vlera e parashikuar.
Fustani, jeshil dhe i zi me stampa bambuje, ishte ai i koncertit dramatik në Beograd, në qershor 2011, shfaqje e cila u ndërpre për shkak se Amy ishte dukshëm e dehur dhe ia la skenën bilbilave të publikut.
Ylli më pas vdiq më 23 korrik në moshën 27-vjeçare nga një mbidozë e alkoolit dhe drogës. Dhjetë vjet pas vdekjes së divës britanike, mbledhja e fondeve ka qenë e suksesshme.
Fustani ishte kulmi i një koleksioni prej 800 sendesh personale të yllit që doli në ankand me urdhër të prindërve.
