I ftuar në “Ftesë në 5” pasditen e sotme, në daljen e tij të parë pas largimit nga shtëpia e Big Brother Vip, Tan Brama tregoi disa detaje të cilat publiku mund t`i ketë parë nga larg, por brenda shtëpisë rezononin ndryshe.
Koreografi tha se Egzona kishte një pëlqim të fshehtë për Donaldin, i cili kishte rënë në sy. Sipas tij, ajo praktikisht “iu qep aktorit të humorit fill pas daljes së Beatrix, se rrinte shumë me të dhe e shihte ndryshe”.
I pyetur edhe një secret të tijin, punën si dublues i filmave +18, ai tha se arsyeja përse e tregoi përpara të gjithëve ishte sepse i shikonte shumë të shpërndarë banorët dhe ky ishte momenti kur bëheshin bashkë për të qeshur.
Tani mendon se lojtari më i forte brenda BBV është Iliri, ndërsa personazhi që nuk e meriton finalen është Beniada.
