Cardi B ka befasuar me opinionin që dha mbi konfliktin Ukrainë-Rusi. Reperja 29 vjecarja u shpreh se nuk mban asnjërën anë, as të NATO-s, as të Rusisë.
“Në fakt dua të them shumë gjëra por do të shikoj punën time pasi besoj se me një platformë aq të madhe sa e imja nëse nuk them gjërat e duhura, mund të më vrasin”, thotë ajo në një video të publikuar në rrjetin social Tëitter.
“Nuk jam në anën e NATO,” vazhdon Cardi. “Nuk jam as në anën e Rusisë, jam në fakt në anën e qytetarëve sepse në fund të fundit jemi duke kaluar një krizë”.
Ajo vazhdon mesazhin duke nënvizuar se: “Do të doja që liderët botërore të ndalonin duke menduar vetëm për pushtetin dhe të mendonin në fakt për qytetarët e prekur, e gjithë bota është në krizë. Lufta, sanksionet, pushtimet, duhet të ishin tre gjërat më të fundit që ata duhet të mendonin”.
It’s me https://t.co/jZaSrUwMWH pic.twitter.com/4QQ8hKygMw
— Cardi B (@iamcardib) February 22, 2022
