Ushtari Vitaliy Skakun është sot një hero në Ukrainë. Ai sakrifikoi jetën e tij pasi hodhi në erë një urë në Henichesk për të ndaluar përparimin e një kolone tankesh.
“Në këtë ditë të vështirë për vendin tonë, kur populli ukrainas po zmbraps pushtuesit rusë në të gjitha drejtimet, një nga vendet më të vështira në hartën e Ukrainës ishte Isthmusi i Perekopit, ku një batalion i veçantë marinsash ishte një nga të parët që takoi armikun”, thuhet në një deklaratë të Shtabit të Përgjithshëm të Forcave të Armatosura të Ukrainës.
Me qëllimin të ndalonte avansimi i kolonës së tankeve ruse, u mor vendimi që të shkatërrohej ura Henichesk. Vitaliy, një inxhinier i batalionit doli vullnetar për të kryer këtë detyrë. Por pasi vendosi eksplozivin, ai nuk pati kohë të largohej dhe ndërroi jetë aty.
“Shoku ynë vdiq. Vepra e tij heroike ngadalësoi ndjeshëm përparimin e armikut, gjë që i lejoi njësisë të ridislokohej dhe të organizonte mbrojtjen”, thuhet në deklaratë.
