Papa Françesku shkoi këtë të premte në ambasadën ruse në Selinë e Shenjtë për t’i përcjellë ambasadorit të Moskës shqetësimin e tij për pushtimin e Ukrainës.
Zëdhënësi i Vatikanit Matteo Bruni tha se Papa kaloi rreth 30 minuta në ambasadë, e cila është afër Vatikanit.
“Ai shkoi për të shprehur shqetësimin e tij për luftën”, tha Bruni për Reuters.
Besohet se është hera e parë që një Papë shkon në një ambasadë për të biseduar me një ambasador në një kohë konflikti. Të dërguarit e huaj zakonisht thirren nga Sekretari i Shtetit i Vatikanit ose takohen me Papën në Pallatin Apostolik.
Galeria fotografike
