Ne jemi të aftë me anë të puthjes të shprehim pasion, dashuri, besnikëri dhe deri tradhëti ashtu siç bëri Juda. Poeti francez Edmond Rostand e ka përkufizuar puthjen si një trëndafil në formë apostrofi midis fjalëve të dua, një sektret thënë mbi buzë. Dhe në të vërtetë, kjo shprehje mund të interpretohet sipas mënyrës se si shprehen emocionet dhe ndjenjat si pasioni, butësia, dashuria, bësnikëria, deri dhe tradhëtia, me të famshmen puthje të Judës.
Sipas mënyrës sesi puthim, madje në shumë raste në formë jo të ndërgjegjshme, ne mund të tregojmë shumë gjëra të lidhjes tonë dhe të personit që kemi në krah. Ja disa nga shenjat e fshehta të puthjes.
Puthja në ballë – Është një gjest i cili tregon dashuri, butësi dhe delikatesë. Shpreh dashuri, respekt dhe besim. Kur puthim dikë në ballë tregojmë se kemi të bëjmë me një premtim që i bëjmë dikujt në formë mbrojtje dhe mbështetje. Nuk është e rastit që shumë prindër i puthim fëmijët e tyre në ballë.
Puthja në faqe, ose në të dyja faqet– Është një gjest miqësor, shpesh një formë për të vlerësuar një miqësi të vërtetë reciproke. Midis burrit dhe një gruaje mund të jetë dhe një urë kontakti i parë, buzë, faqe, lëkurë për të kaluar më pas në puthjen në buzë, por puthja në faqe tregon që për momentin askush nuk ka qëllimin të kapërcejë fazën miqësore.
Puthja delikate duke prekur buzët– Është një puthje e ëmbël, delikate, e cila paraprin pasionin më të madh. Është një afrim gradual dhe i edukuar, edhe për t’i dhënë tjetrit mundësinë dhe kohën të tërhiqet nese ky gjest nuk është i pëlqyer.
Në se mbyll sytë- Është një shenjë e cila tregon se ti je duke përqendruar të gjithë vëmendjen dhe sensacionet që puthja kërkon të shprehë. Pasion, përhumbje, eksitim. Për të arritur të gjithë këto, nuk kemi nevojë për shqisën e të parit.
Me sy hapur – Pëlqehet nga shumë çifte, aq sa dhe puthjet me sy mbyllur. Nuk është shenjë indiference, madje të mbash sytë hapur ndërsa puthesh mud të përkthehet si një shenjë e pranisë konkrete dhe sinqeriteti.
Puthja franceze – Është puthja më e famshme, me buzë të hapura dhe gjuhë të partnerëve që preken dhe lidhen me njëra -tjetrën. I dashuruar apo jo je në kërkim të një pasioni intens. Hapi i parë për të kaluar në intimitet të plotë.
Puthja me kafshim– Është një nga puthjet më pasionante që dy të dashuruar mund të shkëmbejnë. Gjithëpërfshirës, përveç buzëve, gjuhës hyjnë në aksion dhe dhëmbët të cilët kafshojnë buzën e poshtme të parnertit/ partneres duke i dhënë një kënaqësi dhe dëshirë. Janë pothuasje sinjale që lënë të nënkuptojnë që raporti duhet të thellohet më shumë, dhe dëshira është tepër e madhe.
Puthja në qafë dhe në vesh– Dhe kjo puthje është sinjal i dëshirës dhe pasionit të madh. Qafa dhe veshët janë zonat më të ndjeshme erogjene. Puthjet në këto pika janë intime, erotike dhe që shprehin dëshirën për t’i dhënë partnerit/ partneres kënaqësi të veçanta.
“Puthja me hundë”. Ky është një gjest klasik për të shmangur konktaktin fizik, por në asnjë rast për t’u larguar nga partneri. Vihen në veprim shqisat e nuhajtjes ndërmjet të cilave ndjejmë dhe perceptojmë aromat e partnerit/ partneres. Është krejt e kunderta e lojës hundë më hundë që bëjnë nënat me fëmijët e tyre, e cila ka një natyrë krejt tjetër.
Puthje me buzë të mbyllura – Kjo puthje është bërë tashmë një gjest simbolik, aq sa në shumë vende evropiane është transformuar në formën e përshëndetjes. Në çiftet e sapoformuara mund të jetë një lloj sinjali që ende nuk janë gati për të kaluar në hapat e tjerë të lidhjes. Në çiftet e konsoliduar mund të jetë një përshëndetje në formë dashurie, si për shembull një lloj përshëndetje në mëngjes apo si puthja e “natës së mirë” përpara se të fikin dritat për të fjetur.
Puthja që nuk e do askush – Puthja e Judës është kthyer në simbolin e tradhëtisë. S’ka gjest më të ulët të dorëzosh mikun tënd armiqve.
