Trupat ruse sulmuan kryeqytetin e Ukrainës mëngjesin e kësaj të shtunën. Luftimet në rrugë shpërthyen ndërsa zyrtarët e qytetit u kërkuan banorëve të strehoheshin. Presidenti i vendit refuzoi ofertën amerikane për t’u evakuuar, duke këmbëngulur se ai do të qëndronte në Ukrainë. “Lufta është këtu”, tha ai.
Zyrtarët amerikanë besojnë se presidenti rus Vladimir Putin është i vendosur të rrëzojë qeverinë e Ukrainës dhe ta zëvendësojë atë me një regjim të tijin.
Presidenti Zelensky postoi një video të tij ku tha se nuk do të ulin armët, por do luftojnë kundër Rusisë. “Ka shumë informacione të rreme në internet që i bëjnë thirrje ushtrisë sonë të lërë armët dhe se ka evakuim. Unë jam këtu. Ne nuk do të dorëzojmë armët. Ne do të mbrojmë shtetin tonë”, u shpreh ai.
Ushtria e Ukrainës pretendon se deri më tani janë vrarë 3.500 trupa ruse dhe 200 të tjerë janë burgosur. Qindra ukrainas kanë humbur jetën dhe kanë ngelur të lënduar gjatë luftimeve. Ndërkohë Perëndimi po ndihmon me armatime Ukrainën.
Galeria fotografike
