KreuCelebrity

Ja dhe një tjetër: Vjen linja kozmetike e Scarlett Johansson!

Radhës së gjatë të personazheve të famshëm të cilët janë hedhur në industrinë e kozmetikës, i shtohet më së fundmi dhe emri i aktores bukuroshe Scarlett Johanson.

“Do të jetë një brand universal për të gjithë”, shkruan diva amerikane, ndërsa është në pritje të lancimit të linjës së saj. Linja do të quhet The Outset dhe pritet të hidhet në treg në datën 1 mars të këtij viti. Që në 2021, aktorja kishte njoftuar krijimin e linjës së saj kozmetike, e cila bazohet në produkte natyrale me origjinë bimore. Ajo ka tashmë faqen e saj instagram, e cila pa nisur mirë ka më shumë se 55 mijë follow-ërsa.  

“Gjatë karrierës time kam qenë figura e shumë markave të ndyshme të luksit, dhe të gjitha këto eksperienca ishin vërtet të mrekullueshme” , thanë një intervistë për Vogue Usa e muajit mars,  diva amerikane. “ Kam interpretuar gjithmonë një personazh në ato fushata, dhe ndërkohë gjatë gjithë këtyre viteve kam ndjerë nevojën për të krijuar dhe prezantuar një markë e cila do më përfaqësonte besnikërisht mua.”

Scarlett Johansson është një nga emrat e fundit të listës së biznesit të bukurisë. Gjatë viteve të fundit janë shtuar shumë emra të shquar të artit, si nga kinematografia, modelingu, muzika etj të cilët kanë eksperimentuar me sukses në fushën e industrisë kozmetike. Mjafton të përmendësh Gwenth Paltrow, dhe Jessica Alba, apo modelet Mirranda Kerr  dhe Paris Hilton. Jenifer Lopez tek Parrell Williams, apo Harry Style. Ndërkohë Kim Kardashian ka njoftuar që para verës do të plotësojë me produkte me bazë bimore dhe inovative linjën e saj kozmetike.

Ja disa nga të famshmit e tjere që kanë hyrë në botën e industrisë kozmetike :

Rihanna

Në 2017 këngëtarja lancoi linjën e saj të parë të kozmetikes me emrin Fenty Beauty, në bashkëpunim me shoqërinë e produkteve të luksit LVMH. Në vitin 2020 kjo linjë kozmetike u zgjerua me lindjen e linjës për lëkurën Fenty Skin, e cila prodhon vetëm produkte të një cilësie superiore.

Miranda Kerr

Ish- engjëlli i Victoria’s Secret, ish-modelja Kerr themeloi më 2009 linjën e saj të kozmetikës Kora Organics, e cila ishte kryesisht prodhonte pastrues të lëkurës (clean beauty), por jo të gjitha ishin bio. Produktet kishin pak përbërës, vetëm ata bazikë.

Jennifer Lopez

Ishte fundi i vitit 2020 kur superdiva amerikane Jennifer Lopez lancoi JLo Beauty, një linjë kozmetikësh dedikuar çdo lloj lëkure të çdo moshe. “Bukuria nuk ka datë skadence” ishte slogani që shoqëroi produktet e linjës dhe s’kishte si mos kishte si dëshmitare të saj, vetë themeluesen e saj, të mrekullueshmen JLO—në.

Pharrell Williams

Viti 2020 ishte viti që dhe reperi i njohur Pharrel Williams bëri hyrjen e tij në industrinë e kozmetikës me linjën Humanrace, me bazë të gjelbër. Të gjithë mbajtësit e produkteve janë 50 % material i riciklueshëm, për të patur një efekt më të ulët të rrezikut të ndotjes së planetit.

Jessica Alba

Në 2019 aktorja themeloi linjën Honest Beauty një linjë për produkte të lëkurës dhe make-up e cila kishte në bazë të saj produkte naturale dhe jo toksike.

Bordo No.65
Dhjetor 2023

SHKARKO VERSIONIN PDF