Rregullat e protokollit mbretëror janë të qarta. Anëtarët e familjes mbretërore e kanë të ndaluar të marrin pjesë në çështje politike. Ata nuk votojnë dhe as komentojnë ngjarjet politike.
Por William dhe Kate bëjnë pjesë në një gjeneratë tjetër monarkiste, ata janë të hapur dhe modernë. Dhe përpara dramës së popullit ukrainas kanë vendosur ta thyejnë protokollin
. “ Ne jemi me presidentin dhe popullin ukrainas” kanë shkruar në Twitter, duke shënuar inicialet e tyre W&C William dhe Catherine. “Në tetor 2020 kishim privilegjin të prisnim presidentin Zelensky dhe zonjën e parë dhe pamë optimizmin mbi të ardhmen e Ukrainës.”kanë shtuar në postimin e tyre Dukët e Kembrixhit.
Vizita e presidentit ukrainas në Britaninë e Madhe erdhi pas lockdown-it, ku çifti zëvendësoi mbretëreshën Elizabetë. Mesazhi i tyre është kuptimplote dhe shumë i rëndësishëm, sepse tregon qartë qëndrimin dhe anën që po mban kurora britanike ndaj pushtimit rus.
