Will Smith i kërkon falje Chris Rock pas shuplakës në Oscars!

Will Smith i ka kërkuar falje Chris Rock-ut pasi ai e goditi në Oscars, duke thënë se sjellja e tij ishte “e papranueshme dhe e pafalshme”.

“Shakatë në kurrizin tim janë pjesë e punës sime, por një shaka për gjendjen shëndetësore të Jada-s ishte e tepërt për mua dhe reagova emocionalisht”, ka shkruar fillimisht ai në postimin në rrjetin e tij social Instagram.

Më pas i kërkon i kërkon falje Chris: “Dëshiroj të të kërkoj falje publike, Chris. Unë isha jashtë linjës dhe gabova. Jam i turpëruar dhe veprimet e mia nuk ishin tregues i burrit që dua të jem. Nuk ka vend për dhunë në një botë me dashuri dhe mirësi”.

Smith shtoi në postimin e tij se, “Dhuna në të gjitha format është helmuese dhe shkatërruese”. Ai gjithashtu përfshiu në deklaratën e tij edhe një kërkim-falje për “Akademinë, producentët e shfaqjes, të gjithë të pranishmit dhe të gjithë ata që shikojnë anembanë botës, familjes së yjeve të tenisit Venus dhe Serena Williams dhe atyre që janë përfshirë në filmin”, për të cilin fitoi ai çmimin e tij për “Aktorin më të mirë” të dielën.

“Më vjen thellësisht keq që sjellja ime ka njollosur atë që ka qenë një udhëtim i mrekullueshëm për të gjithë ne,” shkroi ai.

easy dinner ideas
Previous ArticleNext Article