Dashuria është gjithmonë e bukur pavarësisht të gjithave por për ndarjet nuk ndodh kështu, ato janë gjithmonë të vështira. Gjithsesi tani e tutje mesa duket do fillojmë të ndyshojmë mendim. Për këngëtaren Kleoniki Delijorgji ndarja ka ardhur në mënyrën më të bukur të mundshme…
Ajo, ndarjen nga i dashuri, e ka shënuar duke e ‘festuar’ me momentet më të mira bashkë.
Kleoniki përmes një postimi, përmbledhje e kujtimeve më të bukura, i ka dhënë lamtumirën kapitullit bashkë me të dashurin.
“Shumë prej jush na kanë parë si çifti i ëndrrave. Por gjërat nuk janë gjithmonë ashtu siç duken. Ne kemi qenë një çift i mrekullueshëm, por kemi përjetuar edhe shumë vështirësi. Ne të dy vendosëm se ishte më mirë për ne të ndaheshim, dhe e bëmë këtë me kaq shumë dashuri dhe respekt për njëri-tjetrin. Dje, shkuam në plazh, vendosëm disa nga këngët tona të preferuara, shikuam thellë në sytë dhe shpirtrat e njëri-tjetrit dhe vendosëm që kemi përfunduar misionin tonë në jetën e njëri-tjetrit. Hymë në oqean, ashtu siç bëmë kur u takuam për herë të parë. Ne gjithashtu i dhuruam trëndafila oqeanit me shumë vlerësim për veten tonë, guximin tonë, dashurinë tonë, familjet tona, paraardhësit tanë, Zotin, Nënën Tokë dhe ishullin e bukur të Mykonos. Ka qenë fundi më i bukur që mund të ëndërroja ndonjëherë. Ne jemi shumë mirënjohës për gjithçka që kemi kaluar. Zemrat tona janë plot dashuri. Ti ke qenë i dashuri më i mirë që kam pasur ndonjëherë. Unë gjithmonë do të të dua Javier Vidal!” – është shprehur ajo.
Ndarje për t’u marrë shembull!
