Prej ditësh në mediat sociale po qarkullon lajmi se Arjon Muça nuk do të jetë më pjesë e emisionit të mëngjesit “Ditë e re” në RTV Ora.
Ky lajm mëngjesin e sotëm është konfirmuar nga kolegia e tij, Arjola Shehu, e cila e nisi programin e vetme dhe tha se Arjoni nuk do të jetë më krah saj.
“Sikurse e shihni unë në program jam vetëm. Arjon Muça nuk do jetë më pjesë e programit “Ditë e Re”. Ne e përshëndesim shumë. Këtë program do ta vazhdoj vetëm nga ora 7:00 deri në orën 10:00 çdo ditë ky program nuk ndalon”, tha Arjola.
Ndërkohë sipas burimeve bëhet me dije se Arjon Muça do të jetë pjesë e Top Channal, nën moderimin e “Shqipëria Live” krah Erjona Rusit.
