Një nga gjërat më të bukura që regjisorja Vera Grabocka ka nisur të ndajë me ndjekësit e saj në Instagram janë videot e Timo Fllokos teksa reciton vargje me mesazhe kuptimplotë. Timo Flloko është një nga yjet e kinematografisë shqiptare, i cili gëzon dashurinë e mbarë opininit publik shqiptar, ndaj kërshëria për këto interpretime, sado të vogla qofshin, është shumë e madhe.
Së fundmi me anë të vargjeve aktori shpreh shqetësimin e tij se si bota virtuale ka pushtuar në çdo kuptim të gjithë pordoruesit duke lënë pas dore në një farë mënyre njerëzit e zemrës. Çdo dalje ka për qëllim realizimin e fotografive dhe postimin e tyre në Instagram duke u kthyer pa e kuptuar në një obsesion.
“Uaau… Ke ndonjë gjë kundër Instagramit, Timo?
Timo: “Joooo… Instagrami është një mrekulli… fenomen i natyrshëm i kohës… Por, krahas kësaj, prirja e tepruar për të dominuar në Instagram pareshtur me pamjen e çdo forme, i bie, si padashur, t’u bëjë sfidë emocioneve të gjalla, shpirtërore të dashurisë, e cila është njerëzore, jo virtuale, në çdo kuptim”, ka shkruar regjisorja përkrah postimit të saj.
Kujtojmë që aktori Timo Flloko dhe regjisorja Vera Grabocka gjithmonë japin mesazhe të bukura dhe tejet të vlefshme për publikun.
Horoskopi ditor, enjte 23 shkurt 2023
Horoskopi ditor, e mërkurë 22 shkurt 2023
