KreuStil Jetese

Jeni anemikë? Ja ushqimet që duhet të konsumoni me patjetër!

Jeni anemikë? Ja ushqimet që duhet të konsumoni me patjetër!

Anemia është një sëmundje që kufizon furnizimin me oksigjen të muskujve dhe indeve. Ajo shoqërohet me disa simptoma siç është lodhja, ndjeshmëria ndaj të ftohtit, marramendja, vështirësi në frymëmarrje, rrahje të çrregullta të zemrës dhe dhimbje koke.

Kjo sëmundje shkaktohet nga pamjaftueshmëria e hekurit dhe prek veçanërisht femrat. Hekuri është një mineral që merret nga suplementët por burimet më të mira të tij janë mishi dhe bimët.

Më poshtë do të gjeni ushqimet më të pasura me hekur që duhen konsumuar nga anemikët dhe jo vetëm. Por para së gjithash duhet të dini se kafeja dhe çaji pengojnë përthithjen e hekurit në organizëm, ndaj kur të konsumoni ushqimet e lartpërmendura frenoni dëshirën për kafe ose çaj pas buke.

Trupi arrin të përthithë 70% të hekurit me burim shtazor dhe vetëm 30% të hekurit nga burime bimore. Rrjedhimisht, nëse konsumoni barishte, duhet të rrisni numrin e racioneve të konsumuara në ditë. Spinaqi i gatuar dhe i plotësuar me limon është një burim i shkëlqyer i hekurit. Vitamina C ndihmon në përthithjen e hekurit nga organizmi.

Arrorët dhe farat janë burimet më të shëndetshme të proteinave, yndyrnave të shëndetshme dhe hekurit. Me 28 gramë fistik do të plotësoni 6.1% do të nevojës ditore për hekur.

Një copë me mish viçi të rritur në natyrë plotëson 22% të nevojës ditore për hekur. Për të maksimizuar nivelin e hekurit të përthithur nga organizmin, duhet që mishin ta shoqëroni me spinaq, domate, speca të kuq, luleshtrydhe, lakra të vogla dhe brokoli.

Vezët janë një ushqim që nuk duhet të mungojë në regjimin ushqimor të një anemiku. Ato përmbajnë shumë hekur dhe mund të kombinohen me spinaqin, domaten ose kinoan në një vakt të pasur e të shëndetshëm.

Pjesa e gjoksit të pulës është një burim i shkëlqyer i hekurit. Nëse e gatuani në skarë pa yndyrë, atëherë është shumë më e shëndetshme. Mund ta shoqëroni me spinaq, brokoli dhe domate.

Bishtajoret, veçanërisht thjerrëzat janë të shkëlqyera kundër anemisë. Në gjysmë racioni do të plotësoni 20% të hekurit për të cilin ka nevojë organizmi çdo ditë. Për më tepër, ato janë burim i shkëlqyer i fibrës që e mban stomakun të shëndetshëm.

Tags:

Home bordo

Bordo No.64
Nëntor 2023

SHKARKO VERSIONIN PDF