Rrjeti gëlon nga fjalët se Raoul Bova dhe Rocio Munoz Morales janë ndarë. Lajmin e përcjell Diva e Donna, që pretendon se dashuria e tyre e lindur 13 vite më parë ka marrë fund dhe dy aktorët vazhdojnë të jetojnë nën të njëjtën çati vetëm për hir të vajzave të tyre, Luna dhe Alma. Thashethemet për ndarjen e tyre, shkruan revista, janë të vazhdueshme, por të pakonfirmuara. Ajo që i bën gjërat edhe më të dyshimta është fakti se që nga qershori të dy, nuk janë shfaqur bashkë në rrjetet sociale.
Ndër arsyet e ndarjes mund të jetë edhe mosardhja e propozimit për martesë nga aktori, të cilin partnerja e tij e priste aq shumë. “Do të doja të martohesha, por nuk po e kërkoj siç thonë gazetat. Unë jam e modës së vjetër, ai duhet të jetë ai që do të më pyesë”, tha ajo në podcastin e Diletta Leottas. Ndërkohë çifti as e ka konfirmuar dhe as mohuar lajmin.
Raoul Bova dhe Rocio Munoz Morales u takuan për herë të parë 13 vjet më parë në xhirimet e filmit “Immaturi – Il viaggio”, film i drejtuar nga Paolo Genovese dhe xhiruar në ishullin grek të Paros. Ata filluan një lidhje dhe në vitin 2015 lindi vajza e tyre e parë Luna, e ndjekur në 2018 nga Alma.
