Prej ditësh në media nuk është folur veçse për dokumentarin e ri kushtuar tërësisht Ilary Blasit. Titulli i lë pak vend imagjinatës: "Unica’", ashtu siç shkruhej në këmishën tashmë ikonë që ish-bashkëshorti i saj Francesco Totti i kushtoi gjatë një ndeshjeje në vitin 2002, në fillim të historisë së tyre të gjatë të dashurisë.
Dokumentari u publikua këtë të premte në Netflix dhe aty prezantuesja rrëfen mes lotësh të vërtetën e saj për ndarjen nga ish-bashkëshorti Francesco Totti. E teksa dokumentari pati premierën, revista “Bordo” zbulon se Ilary Blasi ndodhej në Manhattan.
Në fotot e siguruara ekskluzivisht nga “Bordo” shohim se Ilary Blasi është duke shijuar një kafe me partnerin e saj Bastian Muller.
Kujtojmë që Blasi në dokumentar shprehet se ende shumë e lënduar nga ndarja me Tottin. Mes lotësh ajo thotë: “Nuk mund ta besoja se njeriu që ishte pranë meje për njëzet vjet, gjysma e jetës sime, kishte bërë diçka të tillë”.
Dokumentari nis me njohjen e tyre 20 vite më parë, më pas do të rishikojmë të gjithë karrierën e Ilaryt, që nga koha kur ajo ishte ende vajzë derisa mori rolin e drejtueses së programeve të rëndësishme televizive. E në fund, lajmi i keq: “Në fund të janarit (2022) shkoj në darkë dhe në një moment filloj të vërej një burrë tjetër dhe prej andej një fatkeqësi... Kujt t'i besoj: gazetarëve apo burrit tim?".
Galeria fotografike
