Në kohët që po jetojmë, stresi, ankthi dhe lodhja emocionale janë bërë pjesë e përditshmërisë së shumë njerëzve. Megjithatë, shpesh jemi të prirur ta neglizhojmë shëndetin mendor, duke e vendosur në fund të listës së prioriteteve – si diçka që "s'mund të shihet", "kalon vetë", ose edhe më keq: "është turp ta pranosh".
E vërteta është se shëndeti mendor është po aq i rëndësishëm sa ai fizik. Pa të, nuk mund të funksionojmë në mënyrë të plotë në asnjë aspekt të jetës – as në punë, as në marrëdhënie, as me veten. Prandaj, më poshtë janë disa mënyra të thjeshta, por të fuqishme, për të kujdesur për veten mendërisht, çdo ditë.
1. Flit me veten si me mikun më të dashur
Si e trajton mendërisht veten kur gabon apo kur je në krizë? Shumë nga ne jemi tepër kritikë me veten. Fillimisht, mëso të flasësh me butësi dhe mirëkuptim ndaj vetes. Pyet: "Po të ishte një mik në vendin tim, si do t’i flisja?"
2. Mëso të thuash “jo” pa ndjerë faj
Të thuash "jo" është një formë vetëkujdesi. Nuk mund të jemi të disponueshëm për të gjithë, gjithmonë. Vendos kufij të shëndetshëm dhe respektoji ata – edhe kur të tjerët nuk i kuptojnë menjëherë.
3. Mos e nënvlerëso fuqinë e pushimeve të vogla
Shëndeti mendor kërkon rigjenerim. Edhe 10 minuta në ditë larg telefonit, në natyrë, me një libër ose duke medituar, bëjnë diferencë. Kujdesi për veten nuk ka pse të jetë i shtrenjtë – duhet vetëm të jetë i qëllimshëm.
4. Kërko ndihmë kur ke nevojë – kjo është forcë, jo dobësi
Psikologët nuk janë “për njerëz të çmendur” – janë për çdo njeri që dëshiron të kuptojë veten, të shërojë plagët emocionale, apo thjesht të rritet si person. Të flasësh me një profesionist nuk është turp – është guxim.
5. Mos krahaso jetën tënde me atë që sheh në Instagram
Rrjetet sociale na japin një pasqyrë të shtrembëruar të realitetit. Askush nuk poston momentet e vetmisë, frikës apo dështimeve. Krahasimi i përhershëm është armiku i qetësisë mendore. Kujto: ti je në rrugëtimin tënd.
6. Rri me njerëz që të ushqejnë shpirtin, jo që ta lodhin
Energjia emocionale është e kufizuar. Rrethoje veten me ata që të dëgjojnë, të kuptojnë dhe nuk të bëjnë të ndihesh “më pak”. Vetmia është më e shëndetshme se shoqëria e gabuar.
Giro d’Italia: Rrugët që bllokohen sot!
GADGET: Fjala e fundit e teknologjisë!
Gati për verë? Trupi yt meriton PrimeX!
5 gjërat që duhet të bëni çdo fillim muaji!
Resort Aragosta, perla e Adriatikut!
Çfarë i ndodh trupit tuaj kur konsumoni salmon?
Sugjerime librash nga "Bordo"!
