Paraqitja është gjithmonë ajo që krijon përshtypjen e parë tek tjetri, e si e tillë nuk anashkalohet nga shumica e femrave. Duke u kujdesur edhe për detajet më të vogla, vajzat përfundojnë me garderobën super të ngarkuar, e cila, mesa duket, nuk mjafton kurrë, në asnjë çast të jetës!
Blerje pas blerje, veshje pas veshje, shpesh bëhemi akoma dhe më konfuzë për zgjedhjen e rradhës. Nëse këtë vështirësi e kaloni më shumë se dy apo tre herë, kjo do të thotë që me siguri ju nuk keni bërë zgjedhjet duhura nga vizita e fundit në dyqan. E veçanta e veshjes së femrave qendron tek fustanet, pasi është i vetmi model, që bën qartazi ndarjen mes dy gjinive për pamjen e jashtme. Ndodh jo pak herë që ta nënvlerësojmë një veshje të tillë, duke u gjendur kështu të papërgatitur në rastet që e kërkojnë medoemos paraqitjen me fustan. Ne ju paraqesim në galeri 10 modelet, që nuk duhet të mungojnë kurrë në garderobën tuaj.
