Ndër aktoret më të dashura të humorit në ekranin shqiptar, emri i Rudina Dembacaj sa vjen e përhapet më tepër.
E shohim në emisione të ndryshme, si “Mos i fol shoferit”, “Chic”, madje edhe “Dance with me”, një sfidë vallëzimi ndërmarrë nga ajo.
Në një intervistë të dhënë së fundmi për “Balkan Web”, Rudina ka folur edhe për jetën e saj familjare dhe bashkëshortin, duke na treguar se si e ka njohur atë.
“Im shoq është inxhinier mekanik, ka një servis të vetin, aty ku e njoha unë se mu prish makina. Ai në fillim s’ma varte fare, e gjuaja unë. Mua më prishej pak si shpesh por ai e rregullonte shpejt.” – thotë ajo.
Më tej, ajo ka treguar edhe për rutinën e përditshme, tani që ka edhe një vajzë 11-muajshe, të quajtur Viktoria. Me sa duket, edhe pse ka një mama fantastike, babai është prindi i preferuar i vajzës së saj.
S’ka gjë Rudina, të do publiku shqiptar!
