ZARA është ndër dyqanet më të dashura të veshjeve, e nuk mund të themi se tanimë vetëm femrat janë të fiksuara pas këtij emri. Mes shumë mundësive modelesh, si dhe variacionesh në çmime, diçka është e sigurt: nuk ju duhen miliona për t’u dukur plot stil. Madje, kemi parë me dhjetëra blogere me famë botërore të kombinohen me ZARA.
Popullariteti i firmës nisi kryesisht nga kosto e ulët dhe kreativiteti i ofruar në artikujt e ndryshëm. Por, ZARA nuk e nisi menjëherë rrugëtimin kaq suksesshëm sa edhe sot. Themeluesi i emrit kaq të dashur për ne, e nisi biznesin duke prodhuar…robdeshambër!
Edhe pse disi e pabesueshme, ky është artikulli i parë që shiti ZARA. Femrat asokohe shpesh shfaqeshin në dyqanet e veshjeve pikërisht të veshura si të porsadalura nga dushi, pasi ngrohtësia në ambientet shtëpiake nuk mund të konsiderohej e arritshme për të gjithë. Kështu, themeluesi i ZARA-s ideoi një model shumë herë më të ngrohtë dhe më komfort për në rrugë, dhe filloi ta shiste derë më derë, duke përhapur në të njejtën kohë dhe famën e biznesit të tij.
Duke qenë se tashmë, personi në fjalë fiton rreth $761 për minutë, mund ta kuptojmë që gjenialiteti ndonjëherë gjendet në gjëra fare të vogla. Epo, edhe këtu nuk do të na shkonte mendja kurrë…
