Kylie Jenner e di shumë mirë se çfarë duan ndjekësit e saj në rrjetet sociale dhe herë pas here nuk nguron që t’ua plotësojë dëshirë, por sigurisht me masë.
E gjithë vëmendja tashmë është tek vajza e saj e vogël e sapolindur, Stormi. Një ndër komentet më të shumta që mund të lexojmë në postimet e saj është: si është Stormi. Për herë të parë, që pas ardhjes në jetë të vogëlushes, ylli i ‘Keeping Up Ëith Kardashian’ ka postuar një video teksa luan me vogëlushen. Herën e parë postoi doçkën e vogël, e ndërsa tani këmbët…pak e nga pak do të na e zbulojë të gjithën.
Kylie Jenner është bërë nënë për herë të parë më 1 shkurt. 20-vjeçarja ka qenë shumë diskrete dhe ka bërë çdo përpjekje të mundshme për të mbajtur larg vëmendjes së mediave shtatzëninë e saj dhe në një farë mënyre ia ka dalë mbanë.
Ajo njoftoi lindjen e vajzës nëpërmjet një postimi në rrjetet sociale ku dhe i kërkoi ndjesë të gjihë fansave të saj që i la në një terr informativ.
