Njoftimin e ka bërë Ardit Gjebrea: transmetimi live I festivalit mjaft të pëlqyer nis në 22 shtator, dhe duket këtë radhë, do të jetë ndryshime përsa I takon votimit.
Nga sa njofton vetë moderatori I njohur, për të parën herë do të votojnë edhe telespektatorët. “Të hënën dhe të martën, 2 dhe 3 Shtator, nga ora 10.00 – 16.00 mirëpresim në TV Klan këngët e reja të #këngamagjike2019.Që të dielën e parë të transmetimit, dt 22 Shtator: do këndojnë “live” jo vetëm këngëtarët New Artist, por edhe ata Big! Vlerësimi i telespektatorëve vendos këtë vit, se cilët Big do të jenë në gjysëmfinale, ndërkohë që juria vendos për Neë Artist.Pas 20 vitesh eksperiencë, “Edicioni 21” do sjellë të rejat që ndër vite janë diskutuar dhe kërkuar nga vetë artistët dhe publiku“, ka shkruar Arditi.
Ai I është përgjigjur dhe shqetësimit të një ndjekëseje e cila u ankua se nuk po e ndjek dot Klanin pasi transmetohet në Tring. “Unë të hënën do kthehem të nis punën dhe do mësoj edhe infot për ndryshimet në transmetimin satelitor. Për një gjë jam i sigurtë, që kur të fillojë #edielashqiptare dhe #këngamagjike, nuk do ketë shqiptar që nuk do e shohë, pasi Klan-i nuk mund të lërë askënd pa e ndjekur. Ne fillojmë me të dielën në 15 Shtator. Shihemi dhe vërtetë ju jam mirënjohës që na ndiqni! Nuk do ju zhgënjejmë edhe këtë vit! ”, ishte përgjigja e moderatorit.
