Ka qenë një foto e moderatores ajo që ngjalli thashethemet: në internet qarkulluan menjëherë fjalët se Luana Vjollca është fejuar, dhe kjo, për shkak se në foton ku shfaqej mjaft elegante me të bardha, ra në një sy një unazë vezulluese me gur blu në gishtin e martesës.
Luana është e lidhur prej kohësh me biznesmenin kosovar Krenar Çoçaj, lidhje kjo të cilën vetë nuk e kanë pranuar publikisht, ndonëse janë fotografuar bashkë rregullisht që prej vitit 2013. Sipas “News 31“ megjithatë, ata duket se ende nuk kanë vendosur ta cojnë këtë marrëdhënie në një fazë tjetër, dhe unaza ishte thjesht pjesë e “look“-ut të punatës së radhës së “Shiko Kush Luan“. Luana, sic thuhet, është për momentin e fokusuar krejtësisht tek karriera e saj, e cila në fakt, po i ecën mirë!
