Aktorja e njohur e telenovelave Edith Gonzales, të cilën publiku shqipar e njeh më së shumti si “Salome” , ndërroi jetë qershorin e këtij viti, 3 vjet pasi ishte diagnostikuar me kancer në vezore. Edith la pas bashkëshortin dhe vajzën 15 vjecare, Constanza, që ka nga martesa e parë.
I shoqi Lorenzo, duket që e ka ndjerë pamasë humbjen e saj. Në ditën kur Edith duhet të festonte 55 vjetorin, ai I shkroi këtë dedikim prekës: “Jetë e bukur! Sot po ndaj me emocion të madh një video private nga udhëtimi me dashurinë time Edith në Myanmar, me një frazë që është një dëshmi dhe një udhëzim i jetës: Për ata që largohen, ndalet koha, por jo për ata që i kujtojnë. Faleminderit për kaq shumë lumturi në jetën tonë! Gëzuar ditëlindjen”, ka shkruar ai, duke treguar kështu se cfarë ndjenje e fortë e lidhte me të shoqen.
