Aktori i humorit të “Portokalli”, Gaz Paja dhe bashkëshortja e tij Ira Seferi u bënë prindër për herë të parë të një djali në 28 tetor të vitit të shkuar.
Ndonëse në përgjithësi daljet publike i kanë të rralla, ardhja në jetë e Dard sigurisht që i ka rralluar edhe më shumë dhe koha e çiftit është e gjitha e dedikuar te vogëlushi.
Megjithatë, mamai Ira dhe babi Gazi janë shkëputur për pak orë nga i biri mbrëmjen e 29 janarit për të qenë të pranishëm në premierën e filmit “I love Tropoja”, mbajtur në Pallatin e Kongreseve në Tiranë.
Të veshur chic e të kapur për dore, çifti i njohur është fotografuar nga fotografët në Tapetin e Kuq në hyrje të eventit, dhe në sintoni të plotë e të kombinuar perfekt edhe në veshje.
