Situata pandemike ka mbyllur në shtëpi edhe personazhet VIP, të cilët kanë anulluar koncertet dhe po që drojnë të izoluar në shtëpi. Një ndër to është edhe Nora Istrefi, e cila po qëndron në Prishtinë së bashku me vajzën e saj Renee. Ylli i “Ana”, e cila para pak ditësh festoi ditëlindjen e saj e izoluar në shtëpi “pa festë” siç u shpreh edhe vet, dha një intervistë me anë të Skype për programin “E diell” në Top Channel.
Siç zbuloi Nora këto ditë qëndrimi në shtëpi po i shijon me të bijën me të cilën argëtohet me aktivitete, lojra, vizatime por edhe duke gatuar për të. “E detyruar” të përvesh mëngët për të bërë punët e shtëpisë me ndihmën edhe të mamasë së saj, ajo u shpreh se është meraklie e pastërtisë por angazhimet e karrierës e kane detyruar të mos i bëj prej kohësh ato të vilat sot i cilëson si një lloj palestre në kushtet e izolimit.
E cilësuar si një nga këngëtaret me trupin më të bukur në showbiz, Nora tregoi dietën e saj ditore gjatë kohës së karantinës, ditë këto që të shtyjnë drejt ushqimeve dhe frigoriferit.
“As nuk ruhem e as nuk e teproj shumë. Unë mundohem të mbaj një farë balance, të mos kufizohem në ushqime, pra nuk ha vetëm sallatë” pohoi ajo. “Ha pak nga të gjitha, mirëpo këtë gjë e bëj në mënyrë të shpeshtë dhe nuk e teproj” u shpreh Istrefi.
