Nuk e dimë nëse është xhiruar para se Klea të mbesë shtatzënë, apo nëse është një projekt i shpejtë i javëve të fundit, por dimë se Klea Huta i është rikthyer dashurisë së saj të vjetër; aktrimit.
Dy muaj pasi u bë nënë, për mami Klean duket se vijnë ditë të lumtura edhe në karrierë, pasi filmi ‘Kapiten Dinamo’ në të cilin aktorja ka rol kryesor pritet të dalë së shpejti në ekranin e madh.
Ka qenë Biordi Mezini ai që ka publikuar trajlerin e filmit, në të cilin në qendër është jeta e një regjisori, luajtur nga aktori Erblin Bajko.
Ndonëse ende nuk është caktuar një datë për shfaqjen e këtij filmi në kinema, apo platforma të ndryshme, kasti i aktorëve të përzgjedhur në këtë realizim kinematografik na bëri mjafueshëm kuriozë për ta parë.
