Mbrëmja e së hënës çeli siparin e natës së parë të edicionit të 59-të të Festivalit të Këngës. Një edicion i jashtëzakonshëm, në kushte në jashtëzakonshme për shkak të pandemisë, si kurrë më parë ky festival do te mbahet pa praninë e orkestrës dhe në ambient të hapur.
Nata e parë e Festivalit nisi me një monolog të moderatorit Blendi Salaj teksa bëri një resume të asaj çfarë ka ndodhur dhe si ta kujtojmë këtë vit pandemie. Mandej skenës ju bashkua moderatorja e cila zgjodhi të futej hipur mbi një kalë të bardhë.
Përveç performancave të artistëve garues, nata vijoi me videomesazhe nga si i këngëtarit Italian Albano Carrisi apo të fituesve të edicioneve të kaluara si Linda Halimi, Aurela Gaçe, Jonida Maliqi etj.
Ndonëse pa prezencën e publikut dhe në mungesën e duartroktitjeve që janë jetike për një artist, pjesëmarrësit e natës së parë të Festivalit ishin impoenjuar maksimalisht për paraqitjet e tyre.
