Transformimi i Kristen Stewart në Lady Diana tani ka përfunduar. Deri te aksesorët. Prodhimi i “Spencer”, filmi i Pablo Larrain kushtuar princeshës (filmi zhvillohet midis Gjermanisë dhe Mbretërisë së Bashkuar) ka lansuar një portret të ri të aktores, 30 vjeç, në rolin e Dianes. Një tjetër shkrepje, në qarkullim që nga shkurti, tregoi Kristen me Chanel të kuqe.
Në foton e re Kristen Stewart shikon drejte në lente me kokën mbështetur në dorë, mbi të cilën qëndron një kopje e unazës së famshme të fejesës së Dianës, me safir dhe diamante, e cila sot i përket Kate Middleton. Kur djali i madh i Dianës, Princi William, i propozoi Kate që të martohej me të, ai e bëri këtë me unazën e çmuar. E cila, megjithatë, ishte zgjedhur nga Princi Harry. Duket se William i ka ofruar vëllait të tij një shkëmbim për të befasuar nusen e tij të ardhshme.
Unaza e fejesës së Lady D, e reprodhuar gjithashtu për sezonin e katërt të The Crown, është një nga elementet më të famshme dhe të kopjuara të dashurisë në histori. Dhe nuk është një pjesë unike, siç mund të pritej të ishte unaza e një princeshe: Diana Spencer e zgjodhi atë direkt nga katalogu i Garrard, argjendar i familjes mbretërore. Disa e panë atë si një zgjedhje jokonvencionale, për të tjerët ishte një shenjë e qartë e mosinteresimit të Carlo-s.
Filmi “Spencer”, që pritet të mbërrijë në vjeshtën e 2021, do të vendoset gjatë një fundjave në dhjetor 1991, kur Princesha Diana bashkohet me familjen mbretërore në Sandringham – dhe vendos të përfundojë martesën e saj të lëkundur me princin. Karlo.
