Një vajzë 22 vjecare e sëmurë me Covid ndërroi jetë në Argjentinë. E reja, Lara Arreguiz që vuante nga diabeti kishte shfaqur simptoma dhe prindërit ë kishin dërguar në spital, ku mjekët panë se kishte bronkopneumoni në të dy krahët. Por duke qenë se nuk kishte shtretër të lirë, e kthyen në shtëpi e i thanë të kthehej pas tre ditësh. Ajo ndihej keq, ndaj prindërit e cuan në një spital tjetër por as atje nuk kishte vende, ndaj priti për orë të tëra e shtrirë në tokë.
Nga ai moment gjendja e saj u përkeqësua shumë. Edhe pse vendi më në fund u gjet, vajza vdiq një javë më vonë. E ëma publikoi foton e dhimbshme duke thënë se e dinte që kjo nuk do t`ia kthente vajzën, por u shpreh se nuk dëshironte që dikush tjetër të gjendej në të njëjtën situatë të tmerrshme ndaj dhe po përpiqej të ndërgjegjësonte në këtë mënyrë opinionin.
