Dua Lipa dhe Elton John këtë të premte do të sjellin projektin e tyre më të ri muzikor. Këtë lajm që i gëzoi pafund fansat e dhanë vetë ata në rrjetet e tyre sociale, ku dhe kanë zbuluar se kënga e tyre do të titullohet “Cold Heart” (Pnau Remix).
Të dy artistët janë shprehur shumë të emocionuar për këtë bashkëpunim dhe sikurse ata edhe ne mezi po e presim. “COLD HEART” (PNAU Remix) me Elton John. Jam shumë e emocionuar! Gati këtë të premte!”, ka shkruar Dua Lipa, ndërkohë që edhe postimi i Elton John nuk mungoi, “Jam shumë i gëzuar që më në fund po ndaj me ju këngën më të re me Dua Lipa “Cold Heart”(PNAU Remix), e cila do të dalë këtë të premte. Dua, të adhuroj. Ka qenë një eksperiencë e paharrueshme ky bashkëpunim me ty. Mezi pres që ta dëgjoni të gjithë!”.
