Një lojë e improvizuar brenda shtëpisë së “Big Brother VIP”, i ka kushtuar shrenjtë Einxhel Shkirës. Moderatorja u rrëzua keq e theu krahun. Me dhimbje të mëdha, ajo u dërgua në spital për t’iu nënshtruar një operacioni.
Banorët e morën me shaka dhe të qeshur situatën, ku madje nisën t’i bënin dhe ‘homazhe’ Einxhelit. Teksa qëndronte e shtrirë në krevat, ata i hidhnin lule sipër, e bënin sikur vajtonin me fjalët: “Po ishe e re…”, “Dagzi do rri pa martuar…”, “Po çfarë do bëj Dagzi pa ty moj motër…”.
Veprimi i tyre u komentua gjerësisht në rrjet. Disa qeshën me të, të tjerë e kritikuan.
Banorët në fillimin e morën si me shaka situatën e Einxhelit, por më pas u angazhuan ta ndihmojnë, madje edhe Donaldi që kishte pasur konflikte me të.
