Dua Lipa prej disa kohësh ka njoftuar fansat për platformën “Service95”. Bëhet fjalë për një buletin javor falas, në të cilin do të ndajë rekomandimet për çdo gjë, nga këshillat e udhëtimit, restorantet, pushimet, koncertet e shumë e shumë gjëra të tjera.
Siç ishte paralajmëruar “Service95” startoi më 3 shkurt, dhe 26-vjeçarja e ka ndarë edhe në rrjetin e saj social Instagram.
“Service95 është këtu me nevojën për të ditur informacione mbi Amapiano, valën e re të muzikës ‘house’ të Afrikës së Jugut, thirrjen e qartë të Sinead Burke për diversitet dhe akses, ekuipazhin e të gjithë femrave në derbin e Hong Kongut”, tha Dua.
Gjithashtu në këtë përfshihen edhe rekomandimet e krijueses së hitit “Levitating” për restorantet në Londër. “Nëse nuk jeni regjistruar ende, ju mund të merrni ende numrin 001! Mos e humbisni këtë”, vazhdoi më tej ajo.
Lipa shpjegoi se po e quan projektin e saj të ri Service95 sepse ka lindur në vitin 1995 dhe, ajo vuri në dukje, “Unë gjithmonë e kam parë veten si dikë që është në shërbim të fansave dhe ndjekësve të mi”.
Service95 do të përfshijë edhe një ‘podcast’, por nuk është e qartë se kur do të nisë. Duhet theksuar se platforma e re është në 12 gjuhë të ndryshme, përfshirë edhe gjuhën shqipe.
Galeria fotografike
