Arjola Demiri është bërë pjesë e “Big Brother VIP” që prej 5 tetorit. Ajo e pati të vështirë pranimin e ftesës pasi i duhej të linte vetëm 3 fëmijët e saj.
Gjatë këtij rrugëtimi brenda BB VIP, jeta private e aktores së njohur ka qenë mjaft e komentuar. Ka qenë vetë ajo që ka treguar shumë detaje, që nga njohja e deri te ndarja me ish-bashkëshortin e saj.
Por prej disa ditësh, nëpër portale kanë qarkulluar lajme se ajo e ka humbur kujdestarinë mbi tre fëmijët e saj për shkak se ka qëndruar katër muaj brenda shtëpisë së “Big Brother”. Thuhej se ish-partneri i saj e ka shfrytëzuar këtë mungesë të saj për të marrë kujdesin ndaj fëmijëve.
Në lidhje me këtë ka reaguar shoqja e Arjolës, Eva Vatoci, e cila me profesion është juriste dhe punon në Gjykatën e Tropojës. “Nuk ka asgjë të vërtetë, sepse, Gjykata e Apelit Tiranë, ka të regjistruar çështjen për “Caktimin e Kujdestarisë Prindërore” për Arjola Demirin dhe palën tjetër, por nuk ka zhvilluar akoma seancë gjyqësore”, u shpreh Vatoci në një intervistë për “lajmi.net”
Ndër të tjera, Eva tregoi se fëmijët e Arjolës janë shumë mirë nën kujdesin e familjarëve të aktores së njohur, “Lajmi që është publikuar në disa portale është totalisht i pavërtetë, pasi fëmijët e Arjolës janë lënë në kujdestari të plotë të familjes së saj dhe të tre fëmijët e saj nuk kanë shprehur asnjë mërzitje apo pakënaqësi ndaj familjarëve ku ata po qëndrojnë, por përkundrazi po rriten me shumë dashuri dhe përkujdesje të veçantë”.
Galeria fotografike
