Jo rrallë herë na ndodh të dëgjojmë për artistë shqiptarë që kanë korrur sukses në në vende të ndyshme të botës. Ky është edhe rasti i make up artistes Bertiana Dauti.
Ajo ushtron profesionin e saj prej 16 vitesh në Strugë, duke krijuar kështu një emër të rëndësishëm për fushën e estetikës.
Bertiana është grimjerja e cila është vlerësuar në kohë për aftësitë që ka për të zbukurar në mënyrë krijuese çdo klient që ka vizituar studion e saj të grimit, të njohur me emrin Makeup by Anna.
Me shumë vite eksperiencë pune, trajnime e masterclass të panumërt që ajo ka kaluar, e kanë bërë makeup artisten shqiptare ta ngrej nivelin e artit të të grimuarit në një tjetër standart.
Dhe të shërbejë tashmë edhe si një shembull për vajzat e reja që e duan këtë profesion.
Makeup by Anna e ka destinacionin në zemër të Strugës prej 16 vitesh, por frymëzimi i saj për të arritur deri aty ka qenë Durrësi, vendi ku ajo ka lindur, e bashkë me të edhe ëndrra për t’u bërë një ditë një grimjere e njohur por mbi të gjitha profesioniste, siç padyshim ajo sot është.
Grimjerja Bertiana Dauti është zgjedhja e shumë njerëzve të rëndësishëm në Strugë dhe së fundmi emri i saj ka ardhur edhe në Shqipëri, duke u bërë zgjedhja e disa personazheve të showbizit tonë, mes tyre ajo është kujdesur për imazhin e këngëtares Semi Jaupaj.
Grimjerja e sukseshme, është në fillimet e saj për të krijuar edhe një linjë të saj të produkteve të makeup, aktualisht ajo ka hedhur në treg ‘Lipgloss’ me emrin Anna Lipgloss.
Por rrugëtimi i saj nuk ndalon këtu.
Për të gjithë ju që doni të provoni artin e duarve të Anna Makeup, tanimë bashkëpunimet e saj primare ka vendosur t’i bëjë në Shqipëri.
