Lance Reddick, një nga yjet më të dashur të ‘The Wire’, serialit më të vlerësuar të fillimit të shekullit të 21-të, u nda nga jeta më 17 mars. Lajmi jo vetëm që habiti fansat e tij, por la edhe shumë dyshime te rrethet e tij të ngushta dhe familjarët. Së fundmi , disa javë më vonë ata kanë vënë në dyshim shkakun zyrtar të vdekjes, siç raporton Deadline.
Raporti përcakton se Reddick, 60 vjeç, vuante nga sëmundjet e zemrës dhe, veçanërisht, nga sëmundja koronare ishemike e zemrës dhe sëmundja aterosklerotike e arterieve koronare. Mirëpo, kjo duket se nuk i ka bindur të afërmit e aktorit, të cilët kanë folur përmes avokatit të tij, duke pyetur nëse ka arsye të tjera, pasi argumentojnë se këto raporte nuk përputhen as me zakonet e aktorit dhe as me gjendjen fizike që ai kishte.
Siç raportohet nga Deadline, James Hornstein, avokat që përfaqëson familjen, ylli i “John Wick: Chapter 4” and “Law and Order” stërvitej çdo ditë në palestrën e tij të shtëpisë, mbante një dietë të rreptë dhe fokusohej në aktivitetet kardiovaskulare. Përveç kësaj, avokati deklaron se Lance Reddick, kur duhej të udhëtonte për punë, kërkonte në kontratë që një palestër të ishte në dispozicion për të kryer stërvitjet e tij rutinë.
“Informacioni në certifikatën e vdekjes është krejtësisht në kundërshtim me stilin e jetës së tij”, akuzon James Hornstein. “Është e paargumentuar dhe në kundërshtim me faktet e njohura për familjen”. Megjithatë, për momentin nuk dihet nëse familjarët e aktorit planifikojnë të shkojnë përtej kësaj ankese publike, pasi Deadline konfirmon se deri më tani asnjë dokumentacion nuk është depozituar në gjykatë.
Elsa 24 orë në Tiranë, arsyeja shumë familjare!
Horoskopi ditor, e premte 7 prill 2023
A mund të mbrojë kafeja nga sëmundjet e mëlçisë?
Tom Hardy do të jetë James Bondi i ri?!
Vivien dhe Getinjo: prindër për herë të parë!
