Pavarësisht ndarjes së Gerard Pique me Shakirën, ish-mbrojtësi i Barcelonës ka qenë gjithmonë një baba shumë i përkushtuar. Pique i pëlqen të kalojë kohë me fëmijët e tij, por ai do t’i shohë më rrallë tani, pasi Shakira u largua nga Barcelona së bashku me ta.
Katalanasit do t’i duhet të lërë angazhimet e tij në mënyrë që të vizitojë Milanin dhe Sashën në Miami të Shteteve të Bashkuara. Avokatët e Pique tashmë janë në kontakt me ekipin ligjor të Shakirës për të rregulluar vizitën e parë të ish-futbollistit te fëmijët e tyre në Miami.
Besohet se Pique do të udhëtojë në Shtetet e Bashkuara në prill për të parë fëmijët e tij. Sipas La Vanguardia, ai lejohet të kalojë kohë me ta deri në 10 ditë në muaj dhe gjatë pushimeve verore. Shakira ka mbajtur 70 për qind të kujdestarisë së fëmijëve dhe Pique ka 30 për qind, për sa kohë që ai do të kalojë 10 ditë të muajit me fëmijët.
Europa Press raportoi se prindërit e Shakirës, William Mebarak Chadid dhe Nidia del Carmen Ripoll Torrado, nuk janë më në Spanjë. Kjo do të thotë se ata tashmë mund të jenë me këngëtaren e njohur në Miami. Sipas burimeve, një kompani transporti ka zbrazur shtëpinë e Shakirës në Barcelonë gjatë ditëve të fundit. Mësohet se të mërkurën një automjet arriti në banesë për të marrë disa pompa oksigjeni dhe pajisje mjekësore të përdorura nga babai i Shakirës.
