Rosalia dhe Rauw Alejandro i kanë dhënë fund lidhjes së tyre, pasi njoftuan fejesën e tyre në mars. Burimet thonë se pavarësisht dashurisë dhe respektit që këngëtarët kanë për njëri-tjetrin, të dy kanë rënë dakord t’i japin fund fejesës.
Rosalia dhe Alejandro u lidhën për herë të parë në gusht 2021 dhe e bënë publike romancën e tyre muajin e ardhshëm në mediat sociale. Së fundmi Rauw Alejandro ka folur kundër akuzave se tradhtia ishte ajo që çoi në ndarjen e tij nga Rosalia. Me anë të një postimi në rrjetin social Instagram, këngëtari e ka mohuar këtë gjë.
“Gjatë gjithë këtyre viteve, ju keni qenë pjesë e arritjeve të mia profesionale, si dhe në të gjitha momentet e lumtura që kam jetuar me partneren time Nuk e kam menduar kurrë se do të isha në një pozicion ku do të më duhej të jepja një deklaratë publike për një çështje kaq private në jetën time. Unë dhe Rosi i dhamë fund fejesës.
Ka mijëra probleme që mund të shkaktojnë një ndarje, por, në rastin tonë, nuk ishte për shkak të tradhtisë apo një personi të tretë. Gjatë kësaj kohe që po përpiqem të asimiloj gjithçka, ka pasur akuza të rreme publike dhe për shkak të respektit që kam për të, familjet tona dhe gjithçka që kemi jetuar, nuk mund të rrija në heshtje Pa asgjë për të shtuar, fansave të mi që i dua shumë, faleminderit që jeni me mua”, shkruan ai.
Ky reagim vjen mes spekulimeve të fansave se ai e tradhtoi Rosalia-n me modelen Valeria Duque.
Horoskopi ditor, e premte 28 korrik 2023
Horoskopi ditor, 27 korrik 2023
Konfirmohet/ Beniada Nishani është single!
