Jahti me famë botërore i përdorur nga Princesha Diana në pushimet e saj të fundit verore në Francë është fundosur në fund të detit. Cujo, dikur gjithashtu i preferuari i superyjeve të Hollivudit, u zhduk nën valët e Mesdheut pasi goditi një objekt të paidentifikuar pranë Beaulieu-sur-Mer, në Rivierën Franceze.
Shtatë persona në bord u shpëtuan pas aksidentit, por anija përfundoi në një thellësi prej pothuajse 2500 metrash rreth 18 milje detare larg bregut.
“Kapitani i “Cujo” lajmëroi se anija e tij po fundosej për shkak të një rrjedhjeje. Varkat e shpëtimit u dërguan nga Antibes dhe, pasi u siguruan që të gjithë ishin të sigurt, forcat e shpëtimit zbuluan një rrjedhje të konsiderueshme uji në anën e djathtë të anijes.
Edhe pse kapiteni kishte aktivizuar pompat dhe i kishte mbajtur motorët të ndezur, nuk e ndaloi mbytjen e varkës.
Cujo u bë i njohur në gusht të vitit 1997 kur Fayed bleu jahtin, i dha një riparim prej miliona paundësh dhe e ftoi Dianën në bord. Atë verë, Diana u fotografua gjithashtu në Sokar, një jaht në atë kohë në pronësi të babait të Fayed, miliarderi Mohamed Fayed. Ata u panë të përqafuar në kuvertë më pak se një vit pasi Diana dhe Princi i atëhershëm Charles ranë dakord për divorcin e tyre.
Menjëherë pas kësaj, Diana dhe Fayed vdiqën në një aksident automobilistik në qendër të Parisit. Pas vdekjes së Princeshës Diana dhe zotit Al-Fayed, Cujo ra në gjendje të keqe, përpara se të restaurohej nga pronarët e rinj.
Menaxhimi i kalorive gjatë pushimeve!
Ekskluzive/ Bora dhe Donaldi do të bëjnë film!
Horoskopi ditor, e diel 6 gusht 2023
Tre shenjat më dembele të horoskopit
Horoskopi ditor, e diel 6 Gusht 2023
Ç’duhet të dini për fuqinë e tridentit!
