Një nga supersticionet më të forta për femrën gjatë shtatzënisë ka të bëjë me flokët: Thuhet se ato nuk duhen prerë. Kiara Tito megjithatë, me veprimin e fundit tregoi se nuk i beson bestytnive.
Moderatorja ka postuar një foto në rrjetet sociale ku shihet se i ka flokët e saj dhe i ka errësuar. Edhe pse duket mjaft bukur, kritikat nuk munguan.
“Nuk bën t’i presësh flokët kur je shtatzënë”, “Bën t’i presësh thjesht s’të ecën floku tamam, nuk rritet sepse e kam provuar vetë, pastaj ti si të duash,” ishin disa nga komentet. Kiara vetë nuk i la pa përgjigje.
“Po shoh shumë mesazhe të tilla. Kush e thotë këtë? Të presësh flokët në shtatzëni nuk është e ndaluar! T’i presësh ose jo është zgjedhje. Nëse e keni fjalën për gojëdhëna, nuk besoj në gjërat të tilla dhe nuk jam supersticioze. Faleminderit!”, ka shkruar ajo.
