Në prag të një vjetorit të vajzës së saj të vogël Abigail, këngëtarja Aurela Gaçe mallëngjen fansat me një postim të gjatë në rrjetet sociale. Mami tregon muajt e vështirë të shtatzanisë në një rrëfim mjaft emocionues që prek çdo nënë. Ajo e nis postimin pikërisht me titullin e këngës së saj.
“Ja po afron 1 vjetori yt….akoma jo
Javët e fundit të shtatëzanisë me ty ishin nga ato të vështirat, ku dukej sikur oksigjeni mezi mbushte mushkëritë, brinjët , kockat, këmbët thernin çdo moment, une rëndohesha çdo ditë e më shumë, stomaku digjej si vullkan nga acidi, në duar, për rreth 5 javë kisha serume me lëngje e ilaçe të ndryshme që më ndihmonin të mos kisha kontraksione sepse ti e bukura ime doje të dilje para kohe e mjekët me urdhëruan të qëndroja regjim shtrati e të duroja sa të mundesha.
Sepse ti duhej të rrije akoma brenda barkut të mamit, mushkërite e tua duhet të rriteshin …duke menduar të gjitha këto, bëja durim…”- shkruan këngëtarja.
Ajo rrëfen se i duhej të qëndronte regjim shtrati absolut për 3 muajt e parë dhe kjo nuk ihste një sakfrificë vetëm për nënën Aurelë, por edhe për motrën e madhe të Abigailit.
“I tregoja se aty brenda barkut të mamit ishte një beb, që shume shpejt do të ishte motër, ose vëlla për të, dhe Zoti e do aq shumë sa po i bënte një dhuratë e ne duhet të kujdeseshim për të.
A e di ti Abigail se edhe motra jote e madhe u kujdes shumë për ty?
Po, ajo duroi që mami të mos e merrte në krahe, të mos luanim bashkë, sepse shumë kohë isha shtrirë, duroi të mos flinte afër mamit… pastaj ajo do të të tregojë ty se si ecte mami javët e fundit kur duhej patjetër të ngrihej nga shtrati do shkrihesh sepse motra jote më imiton fiks” – vijon rrëfimin këngëtarja.
Por Aurela nuk harron as sakrificën e gjyshes në gjithë këtë: “Do të tregojnë dy gjyshet e tua sa shumë jane kujdesur për ty akoma pa ardhur ti në jetë, duke ndenjur natë e ditë afer nesh që asgjë të mos na mungonte”.
Edhe pse në spital Aurela tregon forcën e saj që kurrë nuk e lëshoi veten paçka mes dhimbjeve
“Mami jot nuk e la të kuqin që flakëronte buzët pa e vendosur, se edhe ashtu bardhë fare në fytyrë të keqen mami, sikur nuk shkonte”.
Aurela në këtë rrëfim tregoi edhe dobësinë e saj kur ka qarë përballë fjalëve të injorantëve siç i quan ajo, në kohën kur i thonin se ishte shëndoshur, për shkak të ilaçeve dhe ushqimit, apo përballjes kur tregonte gjininë e fëmijës.
“Këta e marrin të mirëqenë të keqen mami që ti je aty tek barku e mami duhet të jetë balerinë. Eeeee të mos flasim pastaj të keqen mami kur mësonin se ishe vajze e jo djalë. Ohhhhhhh Pa merak zemra e mamit se mami jot e ka përgjigjen gati edhe më fal nëse ndonjëherë kam qarë kur përballesha me injorancën”.
Dhe në fund Aurela falenderon Zotin që bekoi dashurinë e tyre dhe ajo mban në krahë të voglën, pasi shumë nëna nuk ia kanë dalë në ato kushte.
Aurela apelon që gjithë nënat e reja të injorojnë këdo që përflet format e tyre trupore.
“E nëse dikush nga “Të paditurit ” ju bie në qafë për format e trupit e për peshën , thjesht lumturohuni që Zoti ju ka bekuar me dhuraten me të shtrenjtë që i ka bërë njeriut.
Ka shumë njerëz në bote që luten e provojnë pafund shumë mënyra që të kenë me të shtrenjtën e më të bukurën ndjesi e fatkeqësisht disa nuk munden.. uroj me shpirt që lutjet e tyre të plotesohen.
Ka shumë nëna e fëmijë që nuk ja dalin dot deri në fund…
A e imagjinoni sa me fat jemi qe jemi ne jete e mundemi te kujdesemi per familjen? …”- shkruan këngëtarja.
Ajo tregon se për të gjithë ata që i kanë rënë në qafë gjatë kësaj periudhe ka bërë një bluzë në emer të të gjitha mamave, për të kujtuar atë periudhë.
