Ajo është një nga këngëtaret më të njohura të muzikës botërore dhe shumë e dashur nga shumë fansa të saj. Zëri i saj ka mahnitur për vite me radhë të dashuruarit pas muzikës.
E kemi fjalën për këngëtaren e njohur Christina Aguliera, e cila në kohën më të mirë të karrierës së saj muzikore, erdhi me shumë hite, por pasi e la muzikën rrjedhimisht edhe karriera e saj u zbeh.
Tashmë 38- vjeçarja duket se shumë shpejt do të rikthehet me një album të ri, i cili pritet të jetë shumë i suksesshëm. Ka qenë një foto e postuar nga këngëtarja në rrjetet sociale, ajo që ka nxjerrë këtë lajm.
Në foton e postuar një nga komentuesit e ka pyetur këngëtaren se ku është albumi i saj i ri dhe ajo i është përgjigjur se albumi i saj është duke ardhur. Christina nuk ka realizuar album të ri që nga viti 2012-të, kur ajo kishte lansuar “Lotus”.
