Është një ndër aktorët më të përfolur shqiptar, kryesisht prej roleve që ka luajtur edhe në prodhime të huaj. I famshëm edhe për jetën luksoze, e sotmja ka qenë një ditë edhe më speciale për Blerim Destanin. Shqiptari me origjinë nga Maqedonia feston ditëlindjen, edhe pse një event i tillë nuk e ka gjetur pranë vendlindjes.
Blerimi ndodhet aktualisht në Gjermani, ku dhe është angazhuar në xhirimet e një filmi. Ai ka publikuar një foto, ku shihet me një pjatë me ëmbëlsira në dorë. “Ditë xhirimesh. Ekipi më i mirë…Falemnderit!”, ka shkruar Destani, duke e zbukuruar postimin me figura tollumbacesh e shiritash festimesh. Nuk kanë munguar urime as nga Noizy e Dafina Zeqiri, dy nga miqtë më të mirë të aktorit. Por, a e dini se sa vjeç mbush Blerimi?
Kjo është ditëlindja e 37-të e Destanit, edhe pse vështirë të themi se pamja e aktorit tregon moshën reale. Me siguri, kjo do të jetë një ditëlindje plot festime për Blerimin!
