Disa dekada pas lidhjes së tyre, Pamela Anderson dhe Jon Peter tashmë janë burrë e grua.
Pamela është martuar sërish, për herë të pestë. Ish-ylli i Baywatch pas një lidhje të shkurtër e të shpejtë me producentin e filmit Jon Peter ka vendosur të lidh kurorë, ndonëse të dy kanë pasur një romancë plot 30 vite më parë.
74-vjeçari dhe aktorja e njohur janë martuar në një ceremoni sekrete në Malibu larg vëmendjes së mediave.
Sipas mediave të huaja, 52-vjeçarja është rikthyer në krahët e ish-it të saj vitin e shkuar, pas ndarjes nga futbollisti Adil Rami.
Dyshja e mbajti rikthimin e tyre larg vorbullës mediatike, përpara se gjërat të bëheshin serioze dhe ata të lidhnin kurorë.
Vetë producenti i njohur në një intervistë të dhënë së fundmi ka thënë se ndonëse përgjatë këtyre viteve ka pasur njohje dhe lidhje të tjera, “për 35 vite kam kërkuar vetëm Pamelën”.
“Ata e duan shumë njëri-tjetrin. Është një romancë e mahnitshme hollivudiane” ka thënë publicisti i Anderson të martën.
Kjo është martesa e pestë për të dy protagonistët, që kanë qenë të lidhur me njëri-tjetrin në vitet ’80.
Galeria fotografike
